قصيدة حنين الام

اخوتي واخواتي الاعزاء ... السلام عليكم
ها انا وكما وعدتكم اضع بين يديكم الرد على قصيدة حنين الام
والذي يجسد لسان حال الابن بديار الغرب وكيف يجيب والدته
فكان لسان حاله يقول ::
يوالدتي العمر عده
*****************
يوالدتي العمر عده وبعد ماتنفع الرجعه
وندم ماينفع لمثلي الترك امه ونكر ربعه
يوالدتي القدر كاتلبي اتغرب واكضي العمر بالدمعه
واني ادري الذنب ذنبي بس الراح شيرجعه
**********************************
يريت الموت وافاني كًبل مااعوفج وارحل
وازيد بصدرج الحسرات وادموعج علي تهمل
عفه كًلبج حمل لوعات مني وشكثر يحمل
يوالدتي تراني الغربه ذلتني عكًب ماجنت المدلل
لا خو لا اخت بالضيج يذكرني وعلي يسأل
***********************************
يوالدتي .. وحكً درج الصافي متوسف واريد ارجع
لجن يايمه لو رديت ناسي بياعذر تقنع
وماعاب المثل من كال دنيانه تجني مثل ماتزرع
وانه من الوهم زرعي وماظن بالجذب يطلع
مهموم الكًلب مهموم لون هم العليه عالصخر جاصدع
************************************
يشجرة انتي يالحبيبة زغار اكبار كلنه بفيهه ملتمي
امشي عليج ابو الحسنين داحي الباب لاتبجين
وادعيلي الصبر بعدج كل فرض بصلاتج يمه من تدعين
عسى الرحمن يغفرلي
واعوضج كل لياليج الكضيتيهه سهر وونين


************************************
اتمنى من الله ان تنال استحسانكم ورضاكم