ابوذيات قلمي

لا درهم صبح عندي ولا مال
وضاعت كل فرص عدنا والامال
وحبيب الروح واكف ابد ما مال
واضن واكف يضل حد المنيه


مريضه ولا ترف هالوكت عيني
حبيب الراح يمكن ما سال عني
اريد اشوفك ياروحي وبعد عيني
عفتني ولا بعد تسال عليه


ما اضنه صحيح وابد شعرك
خليني أصحح وافرا شعرك
ولو حطينه سوى شعري ويه شعرك
تكلي انه الصحيح وباليني بليه


عيوني من القهر فاضت وسالـــت
حبيبه كلبي ما فد يوم سالــــــت
وسيوف الغدر حدت وسالـــــــــت
وجيف اني بعيد ضمتهن اليـــــه


افكر بيك ليل وصبح ونهــــــار
ولو كلبي جبل جان انهدم وانهـــار
ودمع عيني يصب صار ابحور وانهـــار
ولا دمعه الجرت منكم عليــــــه

وحك خيبر والخندق وحط طـــــــــين
واريد الطم عله راسي واحط طـــين
واريد ازرع كلب يم كلبي واحطــــن
لان ما ينفع كلب واحد كل هاي الاذي

تحياتي