غربلتك تغربل كل ذهب مابيك

غربلتك تغربل كل ذهب مابيك
رمل طاغي علة دربي وصل لحلامي
يل زلزال جرحك شنهي جسم الكاع
حتى تحط جرح من راسي للجدامي
اكتبنك شعر والدم ترس الاوراق
وبعد جسمي لكيتك جارح الهامي
درت راسي بديك بهاي انة احتاريت
عجب طعن الظهر ميصير كدامي
ومو انة الرخيص الينشرة وينباع
تجرحني وتظن بضحكتك ابرد
ولا انة الفضالة البقت با الماعون
متة متمد سفرتك بيه انة انمد
وما حاقد كبل كاضيهة بس باالزين
بس اكلبهة كاعك لو ردت احقد
الك ياسيف معلومة واخذهة وياك
تجي مدنك اذا تحتاج للمبرد
ومو عيب من اعيرك عاتبت مافاد
ساعة ايام اشهر خلصت اسنيني
عليت انتة غصن وستفحلت علة الريح
بس لاتنسة سباحك ملك طيني
وصدك تنسة العطش من موت الكلمات
وعيونك حجتلي وكالت ارويني
اهز نفسي واطلع من عيوني الماي
لحد ماوشلت طاحت علي عيني
وصح ابيض وجه بس كلبك اسود حيل
اسود من ليالي الواحد وتسعين
ومن تضحك تهيج وتبتهج هل الناس
وانة الزارع ضحكتك با الكلب سجين
جبل صاير غرورك وانتة مو طاورس
صيتك صيت ططوة شتنفع الجنحين

كذالـــــــــــــك مهدات لها.....؟

جميل جدا روعة

شعر جميل ورائع روعة التميز