جعفر العاشق مؤس المنتدى والمدير العام
عدد الرسائل : 320 العمر : 31 نقاط : 586545 تاريخ التسجيل : 26/04/2008
| موضوع: رهمتك........ علي الجمعة يناير 29, 2010 4:12 am | |
| رهمتك علي بس مارهمت وياي انته الما ردت شتريد اسويلك عاشرتك نجم من چان عمرك ليل أذوب وأشتعل حته ابقه أضويلك ومن طلعت شمس خط رجعه ماخليت ماجازيتني لمن خلص ليلك بانيلك جنت حضرة عشگ بالروح ومرقد للمحنه بروحي بانيلك ردت منك امراد وخذت مني امراد وعلگ بچفوفي شايلهن زناجيلك وانذرلك چنت وافتر واحني الباب هسه اتهدمت ياباب احنيلك امانه اسرار عمري وبيها ما اوصيك يم شباچ ذنبك صاحن ادخيلك وبكيفك بعد صون الامانه اتخون ما أگدر بعد أغفر واعديلك مابينك وبينك عشت هاي وهاي مره ابچي اعله طبعك مره اغنيلك بدلالك چن طفل بالجرح مال اكبار اشد الجرح بيد وبيد الوليلك لاتنصف عدل لاترضه بالمقسوم تاخذ حصتك ومن حصتي اخليلك انته الوزعت والفرح سهمك صار من سهم الحزن يافرحه اوديلك جبتها وياك شعره وعاقل ومجنون كلساعه وتجرها وانه ارخيلك شلي بهلتعب والعمر وشلة كاس من كاس العمر چم دوب ابديلك راح اصبر بدونك وارهم بلياك وأذبح رمش عيني الچان يبچيلك واتحمل عذابك والبعد والشوك وما حط صورتك گدامي واشكيلك ما اگلك نسيتك بس جرح بالروح يكسر واهسي ومايقبل امشيلك عيني الشالتك گلتلها اشيلچ راح گالت شيلني وما قبلت تشيلك وجرحي الفاك صدره وما يريد اخياط واگف چنه واحد جاي يدعيلك بس مجبور ادفنك ياعشگ ياشوگ واقره الفاتحه وبالوحشه اصليلك بعيوني الحزن يقرونه اليواسون والفوگ الحزن لوتدري شاحچيلك شمات الاجو واسوني ثالث يوم حيل وياك گالو مدري شد حيلك وگالو مو حلو الثوب الطويل اعليك واليگصر بعد لتظن يكفيلك
| |
|
basaam_1990 عضو مشارك
عدد الرسائل : 26 نقاط : 529932 تاريخ التسجيل : 06/11/2009
| موضوع: رد: رهمتك........ علي الأربعاء فبراير 10, 2010 6:43 am | |
| مشكووووووووووووووووووووووررررررررررررررررر | |
|
جعفر العاشق مؤس المنتدى والمدير العام
عدد الرسائل : 320 العمر : 31 نقاط : 586545 تاريخ التسجيل : 26/04/2008
| موضوع: رد: رهمتك........ علي السبت فبراير 27, 2010 5:42 am | |
| | |
|