ضمير............ الحب

ضمير الحب

يا كل شي بحياتي يا حلم دنياي
يا دمعة فرحتي بضحكة احزاني

يالحبك خرج عن طابع المألوف
من گد ما يحبك غار مني اني

وعن هاي البشر واضح فوارق بيك
عنهم تختلف من قاس ميزاني

وانواع شكثر من العشگ تعنيك
حب من نظره الاوله ومن طرف ثاني

ولو ناسي بعد ذكرني اترجاك
حتى يعتذرلك حتّى وجداني

وما گلك عشگتك لا ولا أهواك
ذايب بيك دور راح تلكاني

وما گلك حلو ياعاطفي وشفاف
بس صدّگ حبيبي والله تسواني

وشاعر من صرت وانته سبب في هاى
صايرلي بحر كل فكره بوزاني

يا أسمي الثلاثي واللقب وياه
يعني انته هويتي للّيقراني

وما اجامل لأن يشهد عليه الله
بس راي الگلب تلگاه على الساني

ما شايف شمس تطلع عليه باليل
ولا شايف گمر من غبشه صحاني

يعني انته الوصف والوصفه والموصوف
ما يحتاج وانته القاصي والداني

وتباً للعشگ تاريخه لو ينساك
يا بلقيس بس بعين قباني

واتمنه العمر ما يعبر العشرين
ولا باچر يجي وتگول ينساني

بس خاين أسف تالي طلعت وياك
طيفك من يمر سهران يلگاني

ياحب اعتقد تملك ضمير انسان
وثق لو ما ضميرك باقي ومعاني